Солтүстік Қазақстан облысында «Зекет және қайырымдылық» қорының ұйымдастыруымен зекет пен ұшыр жинау жұмыстарын жүйелендіруге арналған арнайы семинар өтті. 

Бас қосудың негізгі мақсаты — өңірдегі қайырымдылық қызметтің тиімділігін арттыру және бұл бағытқа еріктілерді кеңінен тарту.

Іс-шараға СҚО Бас имамы Аян Болатұлы, «Зекет және қайырымдылық» қорының директоры Мақсатбек Қайырғалиев, сондай-ақ өңірдегі қор өкілдері мен белсенді волонтерлер қатысты.

Семинарда зекет пен ұшырды жинаудың жаңа әдістері, еріктілердің қоғамдағы рөлі, қайырымдылық мәдениеті тақырыптары жан-жақты көтерілді.

Игі іс — эко-акциямен жалғасты. Қатысушылар мен еріктілер Петропавл қалалық мешітінің аумағына ағаш көшеттерін отырғызды.