Республикалық ақпараттық-насихат тобының (РАНТ) мүшесі, «Орал» медресе-колледжінің ұстазы, Орал қалалық «Тәжиден Батырұлы» мешітінің наиб имамы Ерлан Кенжин арнайы сапармен Мұғалжар ауданына барды. 

Сапар аясында Ерлан Кенжин жергілікті тұрғындар мен мешіт жамағаты үшін бірқатар рухани-танымдық және ақпараттық кездесу өткізді.

Алдымен Ембі қалалық «Нұр» мешітінде «Аманатқа адалдық – иманның бір бөлігі» тақырыбында уағыз айтып, кейін Мұғалжар аудандық «Нұртай» мешітінде «Білім іздеу – әрбір мұсылманның міндеті» тақырыбында тағылымды жиынға қатысты. Сонымен қатар Қандыағаш қалалық «Қадырәлі ата» мешітінде болып, «Жат діни ағымдардың сипаттары» төңірегінде уағыз айтты.