Қостанайда облыстық «Аймағанбет қажы Спанұлы» мешітінің мерейлі 10 жылдығына орай дәстүрлі садақ атудан жарыс ұйымдастырылды. 

Бұл сайысқа өңіріміздегі «Аймағанбет қажы Спанұлы», «Жайлаубай ата», «Марал ишан» және Тобыл қаласындағы «Маңдай батыр» мешіттерінің қызметкерлері қатысты.

Жарыс алдында облыстың Бас имамы Бектұрсын Уәлиев шараның маңыздылығына тоқталып, қатысушыларға сәттілік тіледі.

Сайыс нәтижесінде бірінші орынға Дархан Төребеков, екінші орынға Саидаббас Мираманов, үшінші орынға Асет Жарлығасын ие болды. Жүлдегерлерге арнайы кубоктар мен ақшалай сыйлықтар табыс етілді.