Жаңаөзен қаласы, Рахат ауылдық «Оразмағанбет ахун Тұрмағанбетұлы» мешітінде «Құдайы ас– жарыс емес, сауап. Той – тәрбие мен тағылымның ордасы» тақырыбында рухани кездесу өтті. 

Іс-шараға Маңғыстау облысының Бас имамы Әнуар Ізімбайұлы, қала имамдары, Жаңаөзен қалалық ардагерлер кеңесінің төрағасы Жүзбай Күмісбаев бастаған ақсақалдар, сондай-ақ жыршы, асабалар қатысты.

Кездесу барысында Әнуар Ізімбайұлы Құдайы ас дастарханына ұсынылатын тағам мәзірін таныстырды. Сондай-ақ ҚМДБ қабылдаған «Құдайы аста ысырапқа жол бермеу» құжатының негізгі талаптарын түсіндіріп, ас беру кезінде шектен тыс шығынға бармай, қарапайымдылық пен үнемшілдікті ұстанудың маңызын атап өтті.