ҚМДБ Астана қаласы өкілдігінің ұйымдастыруымен «Әзірет Сұлтан» мешітінде пәтуа мәселелері бойынша арнайы жиын өтті.

Басқосуға қаланың бас имамы Нұрбек Әуесханұлы, Шариғат және пәтуа бөлімінің Астана қаласы бойынша жауапты маманы Жолдас Қоспақұлы, «Нұр-Сұлтан» мешітінің ұстазы Темірлан Дарханұлы сондай-ақ елорда мешіттерінің пәтуа мамандары қатысты.

Жиында шариғат мәселелері талқыланып, ҚМДБ тарапынан жаңадан қабылданған пәтуалар таныстырылды. Сонымен қатар жасанды интеллектіні ғылыми мазмұн әзірлеуде қолдану және марқұм адамның бейнесін жасанды интеллект арқылы жандандыру мәселелеріне қатысты шариғи ұстанымдар түсіндірілді.