Солтүстік Қазақстан облыстық «Қызылжар» орталық мешітінде жамағатқа ҚМДБ- ның «Ас беру мәдениеті» құжаты таныстырылды. 

Орталық мешіттің ұстазы Мұхаммедсолих Мирзаев құжаттың негізгі мазмұнына тоқталып, онда көтерілген мәселелер мен дініміздегі ас берудің әдебі жөнінде кеңінен түсіндірді.

Кездесу кезінде марқұмдарды еске алу рәсімдерін шариғат талаптарына сай өткізу, ас беру кезінде қарапайымдылықты сақтау, ысырапшылдыққа жол бермеу мәселелеріне ерекше назар аударылды.