Таң

Күн

Бесін

Екінті

Ақшам

Құптан

БАС МҮФТИ ҚАЛА БАСШЫСЫМЕН ЖАҢАӨЗЕННІҢ ДІНИ АХУАЛЫН ТАЛҚЫЛАДЫ (ФОТО)

ҚМДБ баспасөз қызметі muftyat.kz 29.05.2020 1055 0 пікір
БАС МҮФТИ ҚАЛА БАСШЫСЫМЕН ЖАҢАӨЗЕННІҢ ДІНИ АХУАЛЫН ТАЛҚЫЛАДЫ (ФОТО)

Маңғыстау облысына ресми сапармен барған Бас мүфти Наурызбай қажы Тағанұлы Жаңаөзен қаласының әкімі Мақсат Оңғарбайұлымен кездесіп, діни ахуалды талқылады.

Ресми кездесуге ҚМДБ тарапынан Аппарат басшысы Ғылымбек Жәдігерұлы, Уағыз-насихат бөлімінің меңгерушісі Батыржан Берденұлы, Ақпарат және қоғаммен байланыс бөлімінің меңгерушісі Марат Дәлелханұлы, Маңғыстау облысының Бас имамы Әнуар Ізімбайұлы қатысты.

Басқосуда Бас мүфти мен қала басшысы жастарға діни оңалту жұмыстарын жүйелі жүргізудің маңызын талқылады.

«Қазақстан мұсылмандары діни басқармасы өзінің діни қызметінде 4 бағытқа басымдық береді. Соның бірі – жастарды жат ағымның арбауынан сақтап, оларға діни оңалту жұмыстарын жүргізу. Жасыратыны жоқ, кейде осы өңірдегі кейбір жекелеген азаматтар мүфтият пәтуасына қайшы амалдарға барып қояды. Осы өңірге ҚМДБ Ғұламалар кеңесінің бірнеше ғалымын әкеліп, түсіндіру жұмыстарына кірісіп кеттік. Өзім де жекелей кездесулерге қатысып, мүфтият ұстанымы мен мемлекет талабын түсіндірдім. Осынау шараларға әкімдік тарапынан да тиісті қолдау қажет» деді Бас мүфти Наурызбай қажы Тағанұлы.

Өз кезегінде қала басшысы Мақсат Оңғарбайұлы ортақ іске әкімдік тарапынан қолдау көрсетіле беретінін жеткізді.

Кездесу соңында тараптар өзара келісім мен ынтымақтастыққа қол жеткізді.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі