Қостанай қалалық «Жайлаубай ата» мешіті қасиетті үш ай қарсаңында жамағатты бірлікке үндейтін игі іс-шаралар ұйымдастыруда.

Бейсенбі күнгі ауызашарға Әулиекөл аудандық «Әмит ишан» мешітінің жамағаты шақырылып, дастархан жайылды.

Шарада салт-дәстүрімізге сәйкес ұлттық ойындар ойнатылды. Оның ішінде «Асық ату», «Жілік сындыру» және «Арқан тарту» бойынша сайыс өткізілді.

Соңында жеңімпаздар марапатталып, бата жасалды. Бұл басқосудың ең басты мақсаты – жамағат бірлігі мен татулығы, оның тұтастығы мен ауыз біршілігін нығайту. Арнайы келген қонақтар ризашылығын білдіріп тарқасты.