ҚМДБ төрағасы, Бас мүфти Наурызбай қажы Тағанұлы хазреттің осынау қиын сәтте елге қайырымдылық бағытта үлес қосайық деген Үндеуіне Ақжайық өңірінің бас имамы Мұратбек Қыстаубаев, БҚО бойынша «»Зекет» қорының жетекшісі Самат Алибаев бастаған, Түлбаев Мұхаммед Ғариф мешіті қолдаған «Біз біргеміз» қайырымдылық акциясына үн қосты.

Облыстық «Зекет» қорының жетекшісі Самат Алибаев пен Түлбаев Мұхаммед Ғариф мешітінің наиб имамы Саят Қанатқалиұлы жалғызбасты жандарға, жетімдерге, көпбалалы 70 жанұяға қайырымдылық көмек көрсетіп, 300 бетпердені тегін таратты.

«Зекет» қорының жетекшісі бөлінген азық-түлікті мұқтаж отбасыларға табыстап, шағбан айымен құттықтады.