Қасиетті Құрбан айт мерекесі қарсаңында Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Астана қаласындағы әлеуметтік жағдайы төмен бірнеше отбасының шаңырағына арнайы барып, айт мерекесімен құттықтады.

Кездесу барысында Бас мүфти отбасы мүшелеріне Құрбан айтқа шалынған малдың етін, азық-түлік себеттерін, сондай-ақ балаларға арналған тәттілер табыстады.

Сондай-ақ Наурызбай қажы Тағанұлы Құрбан айттың қоғамдағы ізгілік пен жанашырлықты арттыратын ерекше мейрам екенін атап өтті.