Зекет қоры және Астана қаласының өкілдігі жаңа оқу жылы қарсаңында игі дәстүрге айналған «Мектепке жол» акциясын ұйымдастырды.

Қайырымдылық шарасы Республикалық Бас мешітте, «Ар-Рахман» мешітінде және Zeket Hub орталығында өтті. Акция аясында көп балалы, әлеуметтік аз қамтылған отбасылардың және оңалту орталықтарындағы балалардың қуанышы еселеніп, оларға нақты көмек көрсетілді.

Шараның басты мақсаты — білім жолына қадам басқан әр балаға қуаныш сыйлап, мектепке қажетті құрал-жабдықтармен қамтамасыз ету. Осыған орай балаларға жаңа оқу жылына арналған сөмкелер мен кеңсе тауарлары табысталды.

Бұл — тек материалдық қолдау емес, сонымен қатар балаларға үміт, шабыт және қамқорлық сыйлау.