Атырау облысы өкілдігіне қарасты Бақтыгерей молла мешітінің ұйымдастыруымен Құрбан айт мерекесі қарсаңында әжелер арасында «Фатиха» және «Ықылас» сүрелерінен Құран сайысы өтті.

Сайыс үш кезеңнен тұрды: 1. Құран сүрелерін мәнерлеп жатқа оқу 2. Мағынасына тоқталу 3. Дұрыс тәжуидпен оқу.

Игі шара аға буынның діни білімге деген ынтасын арттырып, кейінгі ұрпаққа өнеге болуды мақсат етті.

Сайыс нәтижесі бойынша: • Бірінші орын – Жапарова Қарлыға • Екінші орын – Сүгірова Роза • Үшінші орын – Сағынаева Гүлжан Жеңімпаздар мен қатысушыларға алғыс хаттар, естелік сыйлықтар және арнайы марапаттар табысталды.

Ұйымдастырушылар: «Әжелеріміз – ұлттың рухани тірегі. Олардың Құран жаттап, насихаттауы – ел ішінде имандылықты нығайтудың көрінісі», – деп атап өтті.