Түркия Дін істері басқармасының төрағасы Али Ербаш Қазақстан мұсылмандары діни басқармасының төрағасы Наурызбай қажы Тағанұлын Бас мүфти лауазымына қайта сайлануымен құттықтады.

«Құрметті Наурызбай қажы Тағанұлы! Қазақстан мұсылмандары діни басқармасының төрағасы болып қайта сайлануыңызбен құттықтаймын. Бауырлас ел Қазақстанда атқарып отырған аса маңызды әрі үлкен жауапкершілікті талап ететін қызметіңізде бүгінге дейін жемісті жүргізген қызметіңізді дәл солай жалғастыратыныңызға кәміл сенемін. Қуанышты сәтпен құттықтап, сізге және Қазақстан мұсылмандары діни басқармасында еңбек етіп жатқан әріптестеріңізге Алла тағаладан сәттілік тілеймін» делінген құттықтау хатта.