Бүгін елордасы Астанада Қазақстан мұсылмандары діни басқармасының төрағасы, Бас мүфти Наурызбай қажы Тағанұлының 2024 жылға арналған Бағдарлық баяндамасы басталды.

Жиын қасиетті Құран Кәрім аяттарын оқумен басталып, Бас мүфти Наурызбай қажы Тағанұлы ел амандығы мен тыныштығы үшін арнайы дұға жасады. Басқосуда ҚМДБ Төрағасы дін қызметкерлеріне жыл сайынғы дәстүрлі Бағдарлық баяндамасын жолдауда. Сондай-ақ Мәдениет және ақпарат вице-министрі Қанат Ысқақов арнайы сөз сөйлеп, Діни басқарма жұмысына сәттілік тіледі.

Айта кетейік, жиынға Діни басқарма қызметкерлері, облыстардың бас имамдары, Ғұламалар, Сарапшылар, Ақсақалдар кеңесі мен РАНТ мүшелері, Діни оқу орындарының басшылары мен ұстаздары, сондай-ақ БАҚ өкілдері қатысуда.