Таң

Күн

Бесін

Екінті

Ақшам

Құптан

«ТАЛАБА» ҚАУЫМДАСТЫҒЫНЫҢ ӨКІЛДЕРІ ЕСЕП БЕРДІ (ФОТО)

ҚМДБ Баспасөз қызметі muftyat.kz 22.12.2023 1787 0 пікір
«ТАЛАБА» ҚАУЫМДАСТЫҒЫНЫҢ ӨКІЛДЕРІ ЕСЕП БЕРДІ (ФОТО)

Астанада Қазақстан мұсылмандары діни басқармасының төрағасы Наурызбай қажы Тағанұлының жетекшілігімен өтіп жатқан 2023 жылдың қорытынды Төралқа жиынында шетелдердегі «Талаба» қауымдастығының өкілдері арнайы есеп берді.

Атап айтқанда, Діни басқарманың Түркия Республикасындағы жауапты өкілі Жандос Өмірзақұлы, Мысыр Араб Республикасындағы жауапты өкілі Руслан Серғазиев пен Сауд Арабия Королдігіндегі жауапты өкілі Абдулахад Сманов онлайн форматта баяндама жасады. «Талаба» қауымдастығының жауапты өкілдері шетелде діни білім алып жатқан қазақ студенттері жайлы ақпарат беріп, 2023 жылы атқарған ауқымды шараларға кеңінен тоқталды.

Бас мүфти Наурызбай қажы Тағанұлы Отанынан, ата-ана, бауырларынан жырақта жүрген қазақ студенттері Діни басқарманың қамқорлығын әрдайым сезініп жүруі тиіс екенін айтты. Осы ретте Діни басқарманың жауапты өкілдері Жандос Өмірзақұлына, Руслан Амантұрсынұлы мен Абдулахад Абдусаттарұлына «Талаба» қауымдастығының жұмысын ары қарай жетілдіре беруді тапсырды.

 

Пікірлер (0)

Тіркелген қолданушылар ғана пікір қалдыра алады. Сайтқа кіру