Қазақстан мұсылмандары діни басқармасының ұйымдастыруымен Қазақстан Республикасының ұлттық мерекесі – Республика күніне орай өткен І халықаралық Құран жарысына қатысушы отандасымыз Әлібек Жалиев жарыс жөнінде «Мұнара» газетіне пікір білдірді.

«Бұған дейін халықаралық Құран жарысына қатысып көрдім. Десе де, осындай жарыстың елімізде өкеніне қатты қуандық. Сондай-ақ осы жарысқа қатысқаным үшін Аллаға сансыз мақтау айтамын. Мұндай ауқымды шара қариларға қанат бітіреді. Жаттаған Құранын қайта пысықтап алуға мүмкіндік береді. Қатысушы қарилардың кейбірін жақсы танимын. Хабарласып тұра мыз. Өзге де қарилармен танысып-білісіп қалдық. Керемет тәжірибе алмасу болды» дейді Әлібек қари.