Қазақстан мұсылмандары діни басқармасының төрағасы Наурызбай қажы Тағанұлы Астана қаласында мүфтият жанындағы бөлімдердің жұмысына жауапты кураторлардың, яғни басшылық құрамның жұмыс есебін тыңдады.

Наиб мүфтилер соңғы 9 айда түрлі бағытта атқарылған жұмыстардың есебін Бас мүфтиге баяндады. ҚМДБ Төрағасы бақылау, қадағалау, үйлестіру жұмыстарын әрдайым пысықтап отыруды тапсырды. Сонымен қатар бес бағыт, айтулы шаралар жобасы бойынша іс-шаралардың жоспарға сәйкес уақытылы орындалуына айрықша тоқталды. Жиналыс соңында Бас мүфти кураторларға нақты тапсырмалар берді.

Айта кетсек, мүфтият жыл басынан бері бес бағыт бойынша жұмыстарға басымдық беріп келеді. Олар – дін мен дәстүр, ізгі қоғам, ихсан және насихат, діни оқу-ағарту, жат діни ағымдардан сақтандыру.