Бүгін Қазақстан мұсылмандары діни басқармасы төрағасы, Бас мүфти Наурызбай қажы Тағанұлы Қызылорда облысына жұмыс сапары барысында Марал ишанның ұлы, Сыр өңірінде діни ағартушы болған Сүлеймен Есейұлының қабіріне зиярат жасап, рухына Құран бағыштады.

Сүлеймен ишан Есейұлы 1888 жылы дүниеге келген. Бұқарадағы «Көкілташ» медресесінде дәріс алған. Араб, парсы, тәжік, орыс тілдерін жете меңгерген, мешіт ұстап, имандылықты насихат еткен ағартушы. Дін білгірі 1969 жылы осы өңірде дүние салған.