Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Алматы қаласына барған жұмыс сапары барысында ауызашар дастарқанында шаһардың белсенді жастарымен кездесті.

Бас мүфти оңтүстік астана жастарымен еркін форматта пікір алмасып, оларға білімі мен күш-жігерін еліміздің өсіп-өркендеуі жолында жұмсауына тілектестігін білдірді.

Сондай-ақ Наурызбай қажы Тағанұлы белсенді жастардың сауалдарына тұшымды жауап беріп, оларды Қазақстан мұсылмандары діни басқармасымен бірге алға қойған мақсаттарына қол жеткізуге, қоғамды татулық пен бірлікке бастауға шақырды.