Қазақстан Православ шіркеуінің басшысы, Астана және Қазақстан Митрополиті Александр Бас мүфти Наурызбай қажы Тағанұлын Құрбан айт мейрамымен құттықтап, хат жолдады.

«Сонау ғасырлардан бері Ұлы даланы мекендеген жетекші конфессиялардың өкілдері елдің рухани тірегін, мемлекеттігін қалыптастыруда, қасиетті жәдігерлерді сақтап, ұрпақтан ұрпаққа жеткізу үшін бірлесіп еңбек етті. Мұсылмандар мен христиандар арасында қалыптасқан өзара сыйластыққа негізделген қарым-қатынас бұдан әрі де қасиетті Қазақстан жерінде бірлік пен келісімді нығайтуға септігін тигізеді деген үміттемін» делінген құттықтау хатта.