Қазақстан мұсылмандары діни басқармасының төрағасы Наурызбай қажы Тағанұлы Қостанай облысына барған сапарында аймақтағы бұқаралық ақпарат құралдары қызметкерлерін кәсіби мерекесімен құттықтап, ізгі тілегін білдірді.

Сондай-ақ, Бас мүфти БАҚ өкілдеріне мерекелік сый-сияпат табыстап, алғысын жеткізді.

«Халықты ізгілік пен бірлікке үндеуде ақпарат құралдарының орны мен рөлі ерекше. Сіздер бұл жауапкершілікті сезініп, аянбай еңбек етіп келесіздер. Асыл дінімізді насихаттау жолындағы ізгі жұмыстарыңызға Алла мол сауаптан жазсын» деді Наурызбай қажы Тағанұлы.