ҚМДБ Төрағасы Наурызбай қажы Тағанұлы бастаған делегация Түркияға ресми сапары аясында ғұлама ойшыл Мәулана Жалаладдин Руми зиратына зиярат жасап, рухына Құран бағыштады.

Сондай-ақ Бас мүфти Конья мүфтиі Али Өгемен бірге зират қасындағы Жалаладдин Румиден қалған жәдігер, көне Құран, ескі діни еңбектер топтасқан шағын музейді аралады.

Конья мүфтиі көнеден келе жатқан жәдігерлер туралы айта келіп, хазіреті Мәулананың өмір тарихы жайлы қызықты деректерді бөлісті.

Ұстаз, ғұлама Мәулана Жалаладдин 1207 дүниеге келген. 1273 жылы Коньяда дүние салып, осы қалада жерленген.