Қазақстан мұсылмандары діни басқармасының төрағасы Наурызбай қажы Тағанұлы Қырғызстан Республикасының Ош қаласында өткен «Ислам – тыныштық тірегі» атты халықаралық ғылыми-практикалық конференцияға қатысып, баяндама жасады.

Ош мемлекеттік университетінде өткен жиында Бас мүфти Наурызбай қажы Тағанұлы: «Қазақ халқында «Досты таңдайсың, ал көршіні Құдай қосады» деген сөз бар. Сонымен қатар халқымыз «Көршіні Құдай, досты пайғамбар қосады» дейді. Аллаға шүкір, қырғыз халқы Құдайдың қазақ халқына берген көршісі әрі бауыры. Алла Тағала қасиетті Құранда адамзат баласына: «Ізгі істерге, тақуалыққа көмектесіңдер. Күнә жасауға, дұшпандыққа жәрдемші болмаңдар...» («Мәида» сүресі, 2-аят) деп бұйырған. Осы ретте барша әріптесімді өзара бірлігімізді күшейтіп, жақсы істе бір-бірімізге көмекші болуға шақырамын», – деді.

Айта кетсек, халықаралық конференцияға Орталық Азия мемлекеттерінің дін қайраткерлері мен ғалымдары қатысты.