Алматы қаласына жұмыс сапары аясында Бас мүфти Наурызбай қажы Тағанұлы қала имамдарымен кездесті.

«Бағдарымыз – жеті бағыт» деп аталатын іс-шара барысында Бас мүфти жыл басында жолдаған жеті бағытқа тоқталды.

«Өздеріңіз білесіздер, Діни басқарма жеті бағытты ту етіп ұстанып отыр. Осы бағыттар аясында арнайы жоспар жасалды. Ақпарат пен насихат, дін мен дәстүрді тереңдете жеткізу, жат ағыммен күрес сынды салалық бағыттарды қатар жеткізе бермекпіз. Сондықтан қала имамдарына осы бағыттағы жұмыстарды жетілдіруді тапсырамын» деді Бас мүфти.

Жиын соңында ҚМДБ Төрағасы жеті бағытты дамыту мақсатында бірқатар нақты тапсырмалар жүктеді.