Батыс Қазақстан облысы, Сырым ауданының Жымпиты елді мекенінде ел игілігі үшін берілген жаңа мешіт ауласында балалар алаңы ашылды.

Бас мүфти Наурызбай қажы Тағанұлы аудан орталығынан бой көтерген жаңа мешіттің ашылу рәсімінен кейін балалар алаңын аралап, осы іске себепкер болған демеуші азаматтарға айрықша алғысын жеткізді.

«Бүгінгі бала – ертең ел басқаратын тұлға немесе әр саланың білікті маманы. Сондықтан олардың жақсы білім алуына, ізгілікке тәрбиеленуіне аса көңіл бөлуіміз керек. Осы іске үлес қосқан барша азаматтарға риясыз ниетпен ризашылық білдіремін. Алла разы болсын» деді.

Айта кетсек, Жымпитыда ашылған мешітте бір мезетте 400 адам құлшылығын өтей алады.