Қазақстан мұсылмандары діни басқармасының төрағасы Наурызбай қажы Тағанұлы Мысыр Араб Республикасына жасаған ресми сапары барысында Марокконың бұрынғы мүфтиі, бүгінде аталған елдің Ғұламалар кеңесінің мүшесі, белгілі ғалым Марзуқ Аулад Абдолламен сұхбаттасты.

Басқосуға Қазақстанның Мысыр Араб Республикасындағы Төтенше және Өкілетті елшісі Қайрат Лама Шариф қатысты.

Кездесуде Бас мүфти Наурызбай қажы Тағанұлы ҚМДБ жанынан құрылған Ғұламалар кеңесінің жұмысы жайлы әңгімелеп берді. Сонымен қатар өзекті діни мәселелерге қатысты ортақ пәтуа шығару қажеттігін алға тартты. Кездесуде тараптар осы бағытта өзара ынтымақтастықты арттыруға келісті.