Таң

Күн

Бесін

Екінті

Ақшам

Құптан

ҚМДБ ТӨРАҒАСЫ СЫРДАРИЯ АУДАНЫНДА ЖАҢА МЕШІТТІҢ АШЫЛУЫНА ҚАТЫСТЫ (ФОТО)

ҚМДБ Баспасөз қызметі muftyat.kz 18.11.2020 898 0 пікір
ҚМДБ ТӨРАҒАСЫ СЫРДАРИЯ АУДАНЫНДА ЖАҢА МЕШІТТІҢ АШЫЛУЫНА ҚАТЫСТЫ (ФОТО)

Бүгін ҚМДБ төрағасы, Бас мүфти Наурызбай қажы Тағанұлы Қызылорда облысы, Сырдария ауданы, Шаған елді мекенінде жаңа мешітті ашты. Салтанатты шараға аудан әкімі Талғат Дүйсебаев, облыстың бас имамы Болатбек Ұласқанұлы және ауыл ақсақалдары қатысты.

350 адамға арналған құлшылық үйі жергілікті демеуші азаматтар мен ауыл тұрғындарының көмегімен аяқталған. Мешіт ішінде дәріс сыныбы да бар.

«Сыр өңірі берекелі өңір. Халқының бірлігі бекем екен. Бірігіп іс қылып, осындай зәулім мешіт салыныпты. Алла Тағала бұл елді мекенге ырыс несібесін молынан берсін. Осы мешіт имандылықтың, тәрбиенің ордасы болсын»-деді Наурызбай қажы Тағанұлы ашылу салтанаты кезінде.

Айта кетейік, бұрын бұл жерде ескі мешіт болған. Тозығы жеткен құлшылық үйі жаңартылып, ауыл азаматтарының атсалысуымен толық ел игілігіне берілді.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі