Таң

Күн

Бесін

Екінті

Ақшам

Құптан

ҚМДБ ТӨРАҒАСЫ САЙРАМДА 4 БАСПАНА КІЛТІН ТАБЫС ЕТТІ (ФОТО)

ҚМДБ Баспасөз қызметі muftyat.kz 26.09.2020 1366 0 пікір
ҚМДБ ТӨРАҒАСЫ САЙРАМДА 4 БАСПАНА КІЛТІН ТАБЫС ЕТТІ (ФОТО)

Бүгін Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Түркістан облысы, Сайрам ауданының Арыс ауылында «Ел үлесі – пәтерге» акциясының 273, 274, 275 және 276-шы баспана кілтін табыстау шарасына қатысты.

Алдымен Бас мүфти «Ел үлесі – пәтерге» акциясының мән-маңызына тоқталып, көп жылдан бері баспана тауқыметін тартып жүрген жандарға құтты болсын айтып, берекелі қоныс болуын тіледі. Баспана кілтін табыс етіп, өз атынан газ плитасын сыйлап, батасын берді.

Мұнда берілген әр үйдің жер көлемі үлкен. Үйдің бөлмелері кең әрі жайлы. Барлық жағдай қарастырылған: асхана, жатын бөлме, дәретхана мен ғұсылханасы бар. Сонымен қатар, үйдің ауласы қоршалып, темір қақпасы орнатылған.

Айта кетсек, аталмыш үйдің құрылысына Түркістан облысының бас имамы Мұсабек Ақтамбердінің бастамасымен ҚМДБ-ның Түрістан облыстық  «Зекет» қоры өкілдігі, аудандық орталық мешіттің жамағаты қолдап, демеушілік етіп, аз уақытта пайдалануға берілді.  

   

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі