ҚМДБ Төрағасы, Бас мүфти Наурызбай қажы Тағанұлы Алматы қаласына жасаған жұмыс сапары барысында «Әбу Ханифа» медресе-колледжінің директоры Құлмұхаммед қажы Маханбетті қабылдады.

Кездесу барысында алдағы жаңа оқу жылында медресе-колледж шәкірттерін қашықтан (онлайн) оқыту мәселелері пысықталды. Сондай-ақ «Әбу Ханифа» медресе-колледжінің ұстаздары мен шәкірттерінің жай-күйі де сөз болды.

Наурызбай қажы Тағанұлы Құлмұхаммед қажы Маханбетке медресе-колледж аумағында санитарлық талаптарды қатаң сақтауды тапсырып, жаңа оқу жылына сәттілік тіледі.