Сенат Төрағасы Мәулен Әшімбаев ҚМДБ Төрағасы, Бас мүфти Наурызбай қажы Тағанұлын Құрбан айтпен құттықтап, хат жолдады.

«Айт мейрамы бірлік пен келісімді одан әрі күшейтіп, ырыс-ынтымағымызды арттыра түседі деп сенеміз. Бұл күн түрлі дін өкілдерінің де өзара түсіністігін нығайтуға зор ықпалын тигізіп келеді.

Қасиетті мерекемен құттықтай отырып, сізге зор денсаулық, бақ-береке және адамзаттың игілігі жолындағы қызметіңізге толайым табыс тілеймін» делінген құттықтау хатта.