Таң

Күн

Бесін

Екінті

Ақшам

Құптан

ҚМДБ ӘЛЕМДІК БАСТАМАҒА ҚОЛДАУ БІЛДІРДІ

ҚМДБ Баспасөз қызметі muftyat.kz 14.05.2020 996 0 пікір

Адамзат бауырластықтың жоғары комитеті (БАӘ) бүгін, 14 мамыр күні әлем бойынша барлық діни көшбасшылар мен қайраткерлерді жалпы адамзатқа қауіп төндірген короновирус дертінен айығу үшін ортақ дұға жасауға шақырып, бастамаға қазақстандық дін жетекшілерінің де қолдау білдіруін сұраған болатын.

Бастамаға Қазақстан мұсылмандары діни басқармасының төрағасы, Бас мүфти Наурызбай қажы Тағанұлы бастаған Діни басқарма басшылары мен қызметкерлері үн қосып, бір мезгілде ортақ дұға жасады.

Айта кетейік, Адамзат бауырластықтың жоғары комитетінің аталған бастамасына БҰҰ-ның бас хатшысы Антониу Гутерриш, Палестина президенті Махмуд Аббас, Ливияның экс-премьері Саад әл-Хурейри, Шешенстан президенті Рамзан Қадыров, сондай-ақ Әл-Азһар шейхі Ахмет Тайеб, Мұсылман Ақсақалдар кеңесінің бас хатшысы Сұлтан ар-Румейси, Өркениеттер альянсының өкілі Мигель Анхел Моратинос секілді әлемге белгілі тұлғалар мен дін қайраткерлері қолдау білдірді.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі