Қазақстан халқы ассамблеясы Төрағасының орынбасары Жансейіт Түймебаев ҚМДБ-ның жаңадан сайланған төрағасы, Бас мүфти Наурызбай қажы Тағанұлының атына құттықтау хат жолдады.

«Құрметті Наурызбай қажы Тағанұлы! Сізді Қазақстан мұсылмандары діни басқармасының Төрағасы, Бас мүфтиі қызметіне сайлануыңызбен шын жүректен құттықтаймын! Жаңа лауазымда өзіңіздің еңбекқорлығыңыз, біліміңіз бен біліктілігіңіздің көмегімен Діни басқарма жұмысын жандандырып, жаңа бастамалардың қолдаушысы ретінде көптеген игі жобаларды жүзеге асыруға тілектеспін» делінген құттықтау хатта.