Қостанайда облыстың Бас имамы Бектұрсын Торғайбайұлының қатысуымен дін қызметкерлері, өңір жамағатымен бірге тағылымды мәжіліс өтті. 

Кездесуде Бас имам «Құдайы ас – жарыс емес, сауап» және «Той – тәрбиемен тағылымның ордасы» тақырыптарында жиналған қауымға мазмұнды баяндама жасады.

Сонымен қатар мешіттің алқа мүшелері Бақытжан Жайлаубаев пен Тұрғын қажы өз ой-пікірлерін ортаға салды.

Жиында ас беру мәдениетін қалыптастыру, ысырапқа жол бермеу, шариғат талаптарын сақтау және ұлттық салт-дәстүрдің тәрбиелік мәнін дәріптеу мәселелері талқыланды.