Ақтөбеде қала имамдарының қатысуымен қазіргі таңдағы өзекті діни мәселелерге арналған «Пәтуа семинары» ұйымдастырылды. 

Жиында облыстық орталық «Нұр Ғасыр» мешітінің ұстазы, өңір бойынша ҚМДБ «Шариғат және Пәтуа» бөлімінің маманы Талғат Аманов «Азаматтық некенің үкімі», «Қыз алып қашудың үкімі» және «Бірден үш талақ беру мәселесі» сынды пәтуаларды егжей‐тегжей түсіндірді.

Шара барысында дін қызметкерлері тарапынан қойылған сұрақтарға толық әрі тұшымды жауаптар берілді.