ҚМДБ Шариғат және пәтуа бөлімінің маманы, РАНТ мүшесі Елбек Тасболатұлы Павлодар облысына іссапарында имамдар және пәтуаға жауапты мамандармен кездесті.

Жиында қазіргі уақытта жаңадан шыққан пәтуалар туралы, пәтуаны беру тәсілдері, оның ережелері, тәртіптерін баяндап түсіндірді. Өйткені қазіргі уақытта пәтуаға байланысты көптеген сұрақтар туындап, әлеуметтік желілерде де жиі айтылуда. Сонымен қатар, кім пәтуа беруге лайықты, не нәрсеге жүгіну керек, қандай бағыттарды ұстану керек деген мәселе көтерілді. Соңында пәтуаға қатысты мамандардың сұрақтарына жауап берілді.

Сапар барысында РАНТ мүшесі орталық «Мәшһүр Жүсіп» мешітінде жамағатқа уағыз өткізіп, сауалдарына жауап берді. Сонымен қатар Екібастұз қалалық мешітінде болып, құптан намазынан кейін уағыз өткізді. Өз уағызында Елбек Тасболатұлы исламдағы береке- бірлік, ынтымақ және дәстүрдің діндегі орны туралы кең көлемде айтып түсіндірді.