ҚМДБ «Зекет және қайырымдылық» қорының және Жастар ісі секторының Ақтөбе облысы бойынша өкілдігінің ұйымдастыруымен қала, аудан және ауылдан жиналған еріктілер арасында  интеллектуалды білім сайысы өтті.

Сайысқа Ақтөбе облысы мешіттері жанынан құралған еріктілерден 8 команда қатысты. Онда логикалық, діни, географиялық, тарихи сұрақтар қойылып, жеңімпаз топтарға жүлделі әрі қаржылай сыйлықтар табысталды.

Сайыстың мақсаты еріктілік қызметінде жүрген жастар арасында бірлік пен ынтымақты насихаттау болды.