Алматы облысы Еңбекшіқазақ ауданына қарасты ауыл мешіттерінің жамағаты арасында «Имам Мұхаммед» мешітінің ұйымдастыруымен «Үйренер нәрсең – білімділік пен мейірімділік» атты білім сайысы өтті.

Еңбекшіқазақ ауданының бас имамы Ибрагим Нұрахмедұлы білім алудың маңыздылығы жайлы насихат айтып, қатысушыларға сайыстың шарттарын түсіндірді. Білім сайысына қатысушыларға сәттілік тіледі.

Сайысқа қатысушылар «Намаз», «Дәрет» сұрақтары бойынша бақтарын сынады. Қорытынды нәтижесі бойынша І орынды Есік қаласынан Жамалатдин Қайрат ұтып алды. ІІ орынды Түрген ауылынан келген Байқұмықов Мейрамбек жеңіп алса, жүлделі ІІІ орынды Жеңіс Ильян иеленді. Қатысушылар алғыс хат және қаржылай сыйлықпен марапатталды. Сонымен қатар кітаптар сыйға берілді.