Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасына сәйкес «Халал Даму» стандарттау және сертификаттау мекемесінің директоры Айбек Асқарбекұлы Батыс Қазақстан облысындағы кәсіпорындарда айлық аудит жұмыстарын жүргізді.

Бақылау-қадағалау шараларына облыстың бас имамы Самат Қанатқалиұлы мен халалдың жергілікті өкілі Асхат Асылбеков те қатысты.

Аудит барысында, «Белес-агро» ұн және макорон өндірісі, «Батыс адал ет» қасапханасы мен «Аманғалиев» мал сою пунктінде халал стандарты талаптарының сақталуы қадағаланды. Және де өңірдегі «Hani» кондитерлік кәсіпорны, «Maida», «Al-Navat», «Жайық food» қоғамдық тамақтану орындарына «QMDB Halal» сертификаты табысталды. 

Сонымен қатар, «Орал медресе колледжі» шәкірттеріне халал турасында семинар өткізіліп, шәкірттер тарапынан қойылған сұрақтарға жауап берілді.