Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасы аясында Түркістан облысында имамдардың біліктілігін арттыру семинары өтті. Семинарға облыс имамдары қатысты.

Семинарда арнайы дәріс жүргізген ҚМДБ Діни білім және кадр даярлау бөлімінің меңгерушісі Хасан Ташайұлы: «Өздеріңіз жақсы білесіздер, жыл басында Бас мүфти Бағдарлық баяндамасында имамдардың біліктілігін арттыруға айрықша назар аударды. Осыған орай еліміз бойынша облыстар мен өңірлерде имамдардың біліктілігін арттыруға арналған семинарлар ұйымдастырылуда. Қазір білім мен ғылымның заманы. Бұл ретте сіз бен біз заман көшінен қалмай, өзіміздің біліктілігімізді арттырып, жамағатқа қажетті білімді бере алуымыз керек», – деді.