Жамбыл облысының бас имамы Бейбіт Әліпбекұлы №59 түзету мекемесінде жазасын өтеушілермен жалпы профилактикалық кездесу өткізді.

Кездесуге РАНТ мүшесі Нұралы Бақытұлы, Тараз қаласының бас имамы Ержан Маханұлы және Жамбыл облысына бойынша оңалтуға жауапты Асқар Зәкіржанұлы да қатысып, уағыз-насихат жүргізді.

«Діннің қоғам үшін алар орны ерек. Себебі, бейбіт өмір сүру қоғамның басты қағидасы. Бұл үшін әр адамда сенім болады. Сенім бұл – дін. Алайда бүгінгі күні жалған сенімнің арқасында, дін атын жамылып теріс әрекеттер туғызатын ағымдар пайда болды. Еліміздегі дін саласындағы өзекті мәселелердің бірі деструктивті идеологиялардың таралуы болып табылады», – деген Бейбіт Әліпбекұлы түзету мекемесінде жазасын өтеушілерге дәстүрлі емес діни ағымдардың зияны, жат ағымдардан сақтану жолдары, деструктивті ағымның қоғамдағы зардабы жөнінде түсіндіру жұмыстарын жүргізді.