Қазақстан мұсылмандары діни басқармасының төрағасы, Бас мүфти Наурызбай қажы Тағанұлының тапсырмасымен «Ислам және дәстүр құндылығы» жылы аясында Қарағанды облысы өкілдігіне қарасты қалалық мешіттердің жамағатымен тимбилдинг ұйымдастырылып, «Ізгі қоғам» бағыты негізінде спорттық сайыстар өтті.

Аталмыш шара ҚМДБ-ның Қарағанды облысы бойынша бас имамы Естай Айтуғанұлының ұйытқы болуымен Қарағанды облысы дін істері басқармасымен бірлесе отырып жүзеге асырылды.

Спорттың футбол, арқан тарту және кір тасын көтеру түрлері бойынша сайыс ұйымдастырылды. Басты мақсат - жамағаттың өзара ауызбіршілігін арттыру. Ынтымағы ұйысқан қала жамағаты қызу өткен шарада белсенділіктерін танытып, бар өнерін ортаға салды. Сайыс мәресіне жеткен соң жамағат ақ дастархан басында дәм татып, өзара сұхбат құрды.

Айта кетсек, жеңімпаздарға ақшалай сыйлықтар мен арнайы алғыс хаттар берілді.

Футбол бойынша:

I орынға – 150 000 теңге («Төле би» мешіті),

II орынға – 100 000 теңге («Бала қажы» мешіті),

III орынға – 50 000 теңге («⁠Бұқар жырау» мешіті);

Арқан тарту бойынша:

I орынға – 50 000 теңге,

II орынға – 30 000 теңге,

III орынға – 20 000 теңге;

Кір көтеру бойынша:

I орынға – 50 000 теңге,

II орынға – 30 000 теңге,

III орынға – 20 000 теңге.