Бас мүфти Наурызбай қажы Тағанұлының жыл басындағы бағдарлық баяндамасына сәйкес Жетісу облысының бас имамы Керімбек Сәрсембайұлының ұйытқы болуымен Жетісу мемлекеттік университетінің оқыту базасында облыстық дін істері басқармасымен «YERKIN» Өнер Академиясы» жастар қоғамдық бірлестігінің ұйымдастырумен дін қызметкерлеріне арналған 2 апталық оқыту курсы өтті.

Жобаның мақсаты – діни саладағы өзекті мәселелерді талқылау, аталған бағытта ақпараттық түсіндірме жұмыстары мен түрлі шаралар ұйымдастыру, Қазақстан Республикасының 2021-2025 жылдарға арналған «Ұлттық қауіпсіздік стратегиясы» мен «Экстремизм мен терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспары мен дін саласын реттеуге бағытталған өзге де заңнамалық актілерді орындау бойынша және өңірдегі діни мәселелерді шешуге ықпал ете отырып, жамағатқа жете түсіндіруде имамдардың үйлесімді қызмет атқаруын қамтамасыз ету. Мешіт жамағатының арасында кездесетін деструктивті діни идеологияның алдын алу, теріс бағытта жүрген азаматтарға тиісті негіздермен түсіндіріп бере алатын және ДДА ұсытанушыларымен оңалту жұмысын жүйелі атқаруға қабілетті, интернет кеңістікте қарсы насихаттау жұмыстарын жүзеге асыра алатын білікті имамдар корпусын қалыптастыру.

Жобада Жетісу облысы аумағындағы ҚМДБ мешіттерінде қызмет атқаратын 40 дін қызметкері екі апталық курстан өтті. Сабақ Талдықорған қаласы І.Жансүгіров атындағы Жетісу университеті базасында ұйымдастырылды.

Курста «IHSAN» ғылым және мәдениет орталығының төрағасы, РАТТ мүшесі, Теология ғылымдарының PHD докторы Тимур Нүсіпханұлы «Ислам тарихы» тақырыбында және ЖУ профессоры, Философия ғылымдарының PHD докторы Альмухамбетова Бибігуль Жексенбайқызы «Дін психологиясы» тақырыбында, ЖАНТ мүшесі, ұстаз Мирас Асқанбаев «Құран», Хамит Табарак «Пәтуа беру әдебі», Ернар Дәлелханұлы «Тәжуид»,  ЖУ аға оқытушысы, Социология ғылымдарының магистрі Енсеева Венера Тұрсынақынқызы «Дін социологиясы», ЖУ аға оқытушысы, Заң ғылымдарының докторы Ашимова Динара Ибрагимқызы «Құқықтану» Діни рәсімдерді орындаудағы заңдылық мәселесі тақырыбында, НМУ профессоры, PHD докторы Алау Әділбаев «Ақида және фиқһ ілімдері» тақырыбыда, Әл-Фараби атындағы Қазақ ұлттық университеті Философия және саясаттану факультеті Дінтану және мәдениеттану. Дінтану және мәдениеттану кафедрасының аға оқытушысы, магистр.РФ МосГУ аспиранты Майлықұтова Мәрия Жұмақожақызы «АТЖ жүргізудің жаңа тәсілдері» (ораторлық өнер), Әл-Фараби атындағы Қазақ Ұлттық университеті, дінтану және мәдениеттану кафедрасының аға оқытушысы, Ph.D докторы Аманқұл Темур Оралбайұлы«Кибер қауіпсіздік және ДДА-ға қарсы насихат» тақырыбында дәріс оқыды.

Қатысушыларға арнайы дайындалған ақпарттық үлестірмелі буклеттер берілді.Осындай маңызды әрі мазмұнды ақпарттар ұсынылып, талқыланған он бес күндік семинарға қатысушылар тәжірибеде қолдану үшін пайдалы көптеген қызықты және ғибратты мағлұматтарға қанығып қайтты. Курс соңында дін қызметкерлері оқудан өткендігін растайтын сертификаттармен марапатталды.