Конституция күніне орай Орал қаласындағы облыстық «Ар-Рахман» мешітінде көпбалалы отбасыларға, мүгедектігі бар азаматтарға және жағдайы төмен отбасыларға арналған қайырымдылық акциясы ұйымдастырылды.

Іс – шараның мақсаты – Ата Заң мерекесінің мәртебесін арттыру, елдің бірлігі мен ынтымағын дәріптеу, келешек ұрпақты отансүйгіштікке, елжандылыққа тәрбиелеу.

Демеушілік жасаған жомарт жандарға, шараны ұйымдастырған БҚО өкілдігі мен «Зекет және қайырымдылық» қорына жиналған көпшілік риза болып, алғыстарын жаудырып тарқасты.