Таразда ҚМДБ-ға қарасты «Һибатулла Тарази» медресе-колледжіне 2024-2025 оқу жылына талапкер қабылдау емтиханы өтті.

ҚМДБ діни білім және кадр даярлау бөлімі меңгерушісінің орынбасары Серікбол Аршабаев (комиссия төрағасы), Жамбыл облысының бас имамы, «Һибатулла Тарази» медресе-колледжінің директоры Бейбіт Әліпбекұлы, Уағыз-насихат бөлімінің маманы Әбу Қазыбек үміткерлерден емтихан қабылдады.

Айта кетейік, «Һибатулла Тарази» медресе-колледжіне 2024-2025 оқу жылына 56 талапкер құжат тапсырды. Қабылдау комиссиясының мүшелері үміткерлерді арнайы билет бойынша сынақтан өткізіп, ең үздік нәтиже көрсеткендерді таңдап алатынын жеткізді.