Жетісу облысының бас имамы Керімбек Сәрсембайұлы Талдықорған қалалық «Жетісу» мешітінің жұмыс барысымен танысты.

Алдымен күндердің сұлтанында жамағатқа «Тектілік асыл қасиет және некенің берекеті» тақырыбында уағыз айтып, жұма намазын жүргізді. Бас имам күрделі жөндеу өткен қалалық «Жетісу» мешітінің бас имамы Мадияр Қайратбекұлының ұйымдастырумен құлшылық орнының сыртқы-ішкі бөлігін, дәретхана, ғұсылхана сынды жаңартылған бөліктерін көріп шықты.

Одан әрі жаңадан бой көтеретін мешіт қатымханасының құрылыс жоспарымен танысты. Үлкендер бата беріп, ел игілігі жолындағы қызметке береке тіледі.