Оралға ҚМДБ Стратегиялық талдау және даму бөлімінің меңгерушісі, РАНТ мүшесі, ғалым Смайыл Сейтбеков арнайы сапармен барып, БҚО имамдарына арналған «Ислам тарихындағы әділетті халифалар» тақырыбында оқыту семинарын өткізді.

Әділетті халифалардың өмір жолы тақырыбында ғалым ұстаз дәлел-деректермен лед экраны арқылы оқиғаларды кеңінен жеткізіп, үлгі тұтарлық өмір жолы мен алар ғибратты ашықтап берді.

«Біздің мақсатымыз – имамдарды жан-жақты дамыту, білім бағытын жетілдіру. Ізгілер тарихын, өмірін терең зерделей отырып, халифалар өмірінен үлгі, ғибрат алу. Біліміміз терең, жан-жақты болу арқылы қай-қайсы да қоғамдағы тұрақтылықты нығайтып, бірлікпен ұлы мақсаттарға жетеміз. Бұл мақсатта имамдар жетекші рөл атқарады» дейді Смайыл Сүйерқұлұлы. 

Аймақ имамдарының діни білімі сапасын жіті назарында ұстап, пайдалы семинарлардың ұйымдастырылуына мұрындық болып жүретін облыс имамы Самат Қанатқалиұлы арнайы дәрістері үшін Смайыл ұстазға алғысын білдірді.