ҚМДБ Жастар ісі секторының Ақтөбе облысындағы жауапты өкілі Кәрім Еламанның ұйытқы болуымен, өңірдің бір топ жастары Батыс Қазақстан облысы Орал қаласына екі күндік сапармен барып, су тасқынына қарсы қол көмек көрсетті.

«Нағыз байлық байлық емес, нағыз байлық бірлік» деген ұранды ойға ұстаған бір топ жастар, екі күн сапарда бірлікпен, ынтымақпен, ұйымшылдықпен топырақ толы мөшектер тасып, бөгет тұрғызуға ат салысты.

Өз кезегінде Орал жастары да Ақтөбе жастарын ыстық тамақпен, жатар орынмен қамтамасыз етті.