ҚМДБ Төрағасы, Бас мүфти Наурызбай қажы Тағанұлының бастамасымен «Зекет және қайырымдылық» қорының Қарағанды облыстық өкілдігінің ұйымдастыруымен «Қолыңнан келсе, қолғабыс бол» қайырымдылық акциясы аясында көше тазалықшыларына ыстық ас үлестірілді.

Қарағанды облысының бас имамы Естай Айтуғанұлының қолдауымен жүзеге асып отырған шараның мақсаты – қоғамның игілігі үшін еңбек етіп жатқан жандарға қолдау білдіру. Қайырымдылық акциясында 100 көше тазалықшысы қамтылды.

Игі істің басы-қасында жүрген «Зекет және қайырымдылық» қорының жауапты өкілі Асылхан Рахымжанұлы жиналған қауымға жүрекжарды тілектерін айтып, мұндай шаралар алдағы уақытта өз жалғасын табатынын тілге тиек етті.