ҚМДБ Төрағасы Наурызбай қажы Тағанұлының бұйрығымен Алматы облысының Райымбек ауданына жаңадан бас имам тағайындалды.​

Бас мүфти бұйрығын жамағат алдында облыс бас имамы​ Мадияр Тағайбайұлы оқып, құлшылық үйінің ұжымы және жамағатына Азамат Бексұлтанұлын таныстырды. Жаңадан тағайындалған имамның​ қызметіне сәттілік тіледі.​ Сондай-ақ, Мадияр Тағайбайұлы бұған дейін​ Райымбек ауданының бас имамы қызметін атқарған​ Манап Исаболға​ алғыс айтты.

Сапар барысында облыс бас имамы Райымбек ауданының әкімі​ Берік Фатықұлымен кездесіп, жергілікті имамдардың қызметі, діни ахуал​ және өзге де өзекті мәселелер бойынша пікір алмасты. Бұдан бөлек, облыс бас имамы аудан басшысына аудандық «Әбдіғали Жетенұлы» мешітінің жаңа бас имамы Азамат Бексұлтанұлын таныстырды.