ҚМДБ «Зекет және қайырымдылық» қоры «Үміт сыйла сәбиге» жобасы аясында түрлі ауыр дерттері бар балалардың денсаулығын қолдау мақсатында «глютенсіз тағам өндірісін дамыту» жөнінде құрған жұмыс тобының екінші отырысы өтті.

Қор директоры Мақсатбек Мақсотұлы қатысқан ғылыми-зерттеу семинары «Қазақсатандағы глютенсіз тамақ өндірісі. Мастер НАН» тақырыбында ұйымдастырылды. ҚМДБ «Зекет және қайырымдылық» қоры «Инноватор ғылыми-өндірістік кәсіпорны» ЖШС және «Олтек Трейд» ЖШС-мен бірлесе ұйымдастырған семинарда аутизм, БЦП, ЗПР, даун синдромы бар, т.б. ауыр дерті бар балалардың денсаулығын қолдау сөз болып, глютенсіз тағам өндірісін дамыту тетіктері талқыланды.